Como se vai a desenvolver a 3ª avaliación?

Bo día a todos/as:

Logo das instrucións que nos acaban de dar sobre como se vai a desenvolver o terceiro trimestre, fágovos unha aclaración máis polo miúdo de cómo será o traballo na área de Educación Física.

O método de traballo será telemático, é dicir, a distancia. Seguiremos usando este blogue como sistema de comunicación. Nel, colgarei as sesións de educación física e vos poderedes velas.

As sesións van a ser o máis parecidas posibles (dentro das enormes limitacións que supón dar clase de Educación Física deste xeito) ás que facemos no colexio.

Todas van a constar de 3 partes diferentes, que serán o quecemento, para preparar o noso corpo para a actividade, a parte principal da sesión e a volta á calma. 

Como sempre, ao rematar a clase, faremos un pequeno aseo que vai a consistir unicamente no lavado de mans con auga e xabón.

Para tratar de facilitarvos tanto ás familias coma ao alumnado o traballo, as sesión de Educación Física van a ser subidas a este blogue os LUNS e os XOVES de cada semana para Ed. Primaria e os XOVES para Ed. Infantil. Vos poderedes facelas o día que vos veña mellor ou vos apeteza máis, pero solo se van a subir clases os luns e os xoves. Isto será para todos os cursos, independentemente do día que tiverades Educación Física no voso horario de clases normal. Creo que isto facilitará a organización do traballo nas vosas casas, sobre todo, para os que teñen irmáns ou irmás no colexio, podendo ter as clases de Ed. Física o mesmo día. 
As sesións van a ir numeradas (1, 2, 3...) e dentro de cada unha desas sesións estará especificado o traballo para cada curso en concreto (Ed. infantil, 1º, 2º, etc.)

Tamén nos piden que, na medida do posible, teñamos constancia do traballo que se está facendo nas casas por parte do alumnado, polo que vos facilitarei novamente o meu correo electrónico a través da aplicación abalar para que me fagades chegar vídeos ou fotos dese traballo.

O traballo do que me interesará ter constancia, fundamentalmente, será o referente á parte principal da sesión, é dicir, se ides a facer un vídeo ou foto da clase para mandarme, será suficiente con esa parte da sesión. Se a maiores me queredes enviar máis cousas, xa sabedes que pola miña parte estarei encantado de recibilas.

Moitas veces este sistema trae problemas xa que non todos os vídeos cargan ben, chegan de xeito correcto, etc. Sabedes que podedes contactar comigo por email e buscamos unha solución alternativa sen ningún tipo de problema, como xa temos feito moitos/as de vos e máis eu neste último mes.

Este trimestre vai a ser novo para todos/as, para nenos, nenas, familias, para os mestres e mestras… e como todo canto é novo, tamén é descoñecido. 

Si en algo vos podo axudar, sabedes que me tendes á vosa disposición cando me necesitedes. Eu, en todo canto poida ou saiba, tratarei de servos de utilidade.

Moitas grazas a todos/as, familias e alumnado, por todo canto estades facendo.

Unha aperta moi grande.

Carlos.